Tailand shimoli-sharqidagi Nakxonratchasima provinsiyasida reys avtobusining yo‘l-transport hodisasiga uchrashi natijasida to‘rt kishi halok bo‘ldi, 19 kishi jabrlandi. Bu haqda mahalliy politsiya ma’lumotiga tayanib, “TASS” xabar beradi.
Huquqni muhofaza qiluvchi organlarning ma’lum qilishicha, Bangkokdan kelayotgan avtobus katta tezlikda yuk mashinasiga urilgan. Yo‘lovchilarning so‘zlariga qaraganda, to‘qnashuvdan avvalroq haydovchi tezlikni oshirgan, keyin esa tormozdagi nosozlik haqida ma’lum qilgan. Haydovchi voqea joyidan yashiringan. Politsiya uni qidirmoqda.
Barcha jabrlanganlar yaqin atrofdagi shifoxonaga yetkazilgan. Ulardan uch nafarining ahvoli og‘ir ekanligi qayd etilmoqda.
Izoh (0)