Madridning “Real” jamoasi prezidenti Florentino Peres klub yarim himoyachilari Xames Rodriges va Iskoni transferga qo‘yishga qaror qildi, deb xabar beradi “Chempionat”.
Nashrning yozishicha, “Real” prezidenti Xames va Iskoning o‘yinidan qoniqish hosil qilmayapti. Peres Madrid klubiga Zinedin Zidan bosh murabbiy etib tayinlanganidan so‘ng, ular samaraliroq natija ko‘rsatishiga umid qilgandi. Biroq u aytarli o‘zgarishlarni ko‘rmadi va yozda ushbu futbolchilarga keladigan takliflarni ko‘rib chiqadi.
Joriy mavsumda Isko Ispaniya chempionatining 24 o‘yinida maydonga tushib, 2 ta gol va 7 ta golli uzatmaga mualliflik qilgan. Xames esa Ispaniya chempionati doirasida 18 o‘yinda ishtirok etib, 5 ta gol va 6 ta golli uzatmani o‘z hisobiga yozib qo‘ygan.
Izoh (0)