Londonning “Arsenal” jamoasi muxlislari “Barselona”ga qarshi YeChL 1/8 final javob o‘yini oldidan Kataloniya poytaxti (Barselona)dagi qashshoqlarni mazax qildi. Bu haqda AS’ga tayanib, “Chempionat” xabar bermoqda.
Bir kun avval “PSV” klubi muxlislari ham “Atletiko”ga qarshi YeChL nimchorak final javob uchrashuvi oldidan Madrid shahrida shunday o‘xshash axloqsizlikni namoyish qilgan edi. Inglizlar gollandiyalik ishqibozlar singari turli qo‘shiqlar kuylab, qashshoq odamlar ustidan kulgan.
Eslatib o‘tamiz, “Barselona” jamoasi javob o‘yinida “Arsenal”ni 3:1 hisobida mag‘lubiyatga uchratib, YeChL chorak finaliga chiqdi. O‘z navbatida “Atletiko” ham javob o‘yinida muvaffaqiyatga erishdi. Diyego Simeone shogirdlari penaltilar seriyasida (8:7) “PSV”ni mag‘lubiyatga uchratgan edi.
Izoh (0)