“Liverpul” Yevropa Ligasi 1/8 finalining dastlabki o‘yinida “Manchester Yunayted”ni mag‘lubiyatga uchratdi

Futbol bo‘yicha Yevropa Ligasi musobaqasining nimchorak final bosqichi dastlabki uchrashuvlari bo‘lib o‘tdi, deb xabar beradi “Sports.ru”.

Ushbu bosqichning markaziy o‘yinida “Liverpul” jamoasi o‘z maydonida “Manchester Yunayted” futbolchilarini qabul qildi. Unda 2:0 hisobi qayd etilib, mersisaydliklar g‘alabasi bilan yakunlandi.

Birinchi bo‘limning 20-daqiqasida “Manchester Yunayted” darvozasi tomon penalti belgilandi. To‘p oldiga kelgan Daniel Starrij mo‘ljalda adashmadi va uchrashuvdagi birinchi golga mualliflik qildi. O‘yinning 73-daqiqasida Roberto Firmino hisobni oshirishga muvaffaq bo‘ldi – 2:0. Shundan so‘ng hisob o‘zgarmadi va “Liverpul” javob o‘yini oldidan katta ustunlikka ega bo‘ldi.

“Manchester Yunayted” va “Liverpul” jamoalari o‘rtasidagi javob o‘yini 17-mart kuni, “Old Trafford” stadionida bo‘lib o‘tadi.

Ushbu bosqichning qolgan o‘yinlari bilan quyida tanishishingiz mumkin.

Yevropa Ligasi, 1/8 final. Dastlabki o‘yinlar

“Liverpul” (Angliya) – “Manchester Yunayted” (Angliya) 2:0 (1:0)

“Bazel” (Shveysariya) – “Sevilya” (Ispaniya) 0:0 (0:0)

“Borussiya” D (Germaniya) – “Tottenxem” (Angliya) 3:0 (1:0)

“Fenerbaxche” (Turkiya) – “Braga” (Portugaliya) 1:0 (0:0)

“Vilyarreal” (Ispaniya) – “Bayer” (Germaniya) 2:0 (1:0)

“Atletik” (Ispaniya) – “Valensiya” (Ispaniya) 1:0 (1:0)

“Shaxtyor” (Ukraina) – “Anderlext” (Belgiya) 3:1 (2:0)

“Sparta” Praga (Chexiya) – “Latsio” (Italiya) 1:1 (1:1)