Ispaniya chempionati 28-turida “Barselona” klubi safarda “Eybar” jamoasi mehmoni bo‘lib, 4:0 hisobida g‘alaba qozondi. Ushbu o‘yinda Lionel Messi dubl qayd etgan bo‘lsa, Luis Suares o‘z hisobga bitta gol yozdirib qo‘ydi, deb xabar beradi “Uff.uz”.
Mazkur o‘yindan so‘ng “Barselona” hujumchilari Messi, Suares va Neymar birgalikda joriy mavsumdagi barcha turnirlarda kiritgan gollari sonini 100 taga yetkazdi. Luis Suares 42, Lionel Messi 35, Neymar esa 23 ta gol kiritishga muvaffaq bo‘lgan.
Taqqoslash uchun, “Real Madrid” yetakchilari Krishtianu Ronaldu (39 ta gol), Karim Benzema (23) va Garet Beyl (14) jami 76 ta gol kiritgan.
Qayd etish joiz, o‘tgan mavsumda “Barselona” hujumchilari Messi, Suares va Neymar barcha turnirlarda 122 ta gol kiritgandi.
Izoh (0)