Turkiya va Saudiya Arabistoni qurolli kuchlari 15-fevraldan e’tiboran besh kunlik qo‘shma harbiy mashg‘ulotlarni boshlab yubordi. Bu haqda Turkiya mudofaa vazirligiga tayangan holda “TASS” xabar bermoqda.
Mashg‘ulotlar Turkiyaning Konya viloyatida rejali asosda o‘tkazilmoqda. Aytilishicha, harbiy manyovrlarda Saudiya Arabistonining F-15 rusumdagi oltita qiruvchisi ishtirok etmoqda.
Eslatib o‘tamiz, Turkiya tashqi ishlar vaziri Mevlyut Chavusho‘g‘lu o‘tgan hafta shanba kuni, 13-fevralda Saudiya Arabistoni Suriyada quruqlikdagi operatsiyalarda ishtirok etish ehtimolini nazarda tutib, Turkiyaning Injirlik bazasiga qo‘shinlari va qiruvchi samolyotlarini jo‘natishini aytib o‘tgandi.
Izoh (0)