Kanadaning Edmonton shahrida Mac’s savdo tarmog‘iga tegishli do‘konlarda sodir bo‘lgan qurolli bosqinchilik oqibatida ikki kishi halok bo‘ldi. Bu haqda CBC telekanali bergan ma’lumotlarga asosan “TASS” xabar qilmoqda.
Politsiyaning ma‘lum qilishicha, 15 daqiqa farqi bilan ikkita savdo nuqtasida sodir bo‘lgan o‘g‘irlik oqibatida ikki nafar do‘kon xodimi halok bo‘lgan. Olib borilgan tezkor qidiruv ishlari natijasida, 24, 26 va 13 yoshli uch nafar jinoyatchi qo‘lga olindi.
Ularning barchasi sodir etgan turli xil qonunbuzarliklar uchun muqaddam politsiya tomonidan javobgarlikka tortilgan. Uchala jinoyatchi ham odam o‘ldirish va qurolli bosqinchilik qilish kabi jinoyatlarini sodir etganlikda ayblandi.
Izoh (0)