2015-yilning 7-noyabr kuni Moskva shahridagi Xalqaro Musiqa Uyida Sevara Nazarxonning yakkaxon konsert dasturi bo‘lib o‘tadi, deya xabar bermoqda qo‘shiqchining rasmiy sayti.
Etnik va ruhiy ta’sirchanlikni ifodalovchi takrorlanmas pop-musiqa, yuqori vokal madaniyat va ajoyib ovoz uyg‘unligi – Sevaraning bugungi kundagi ijodini aynan shunday ta’riflash mumkin.
Butun dunyo bo‘yicha etnik musiqa muxlislari Sevarani anchadan buyon taniydi va yaxshi ko‘radi. Uning uchun musiqa kishilarni bir-biri bilan bog‘lovchi vositadir. U musiqa orqali dunyo go‘zalliklarini ochib beradi, konsert zalida o‘tirgan holda sayyora bo‘ylab sayohat qilish, musiqaning har bir notasi orqali hayot haqida yana bir yangi narsani bilib olish imkonini beradi.
Izoh (0)