Indoneziya sharqidagi Papua provinsiyasida Trigana Air Service aviakompaniyasiga qarshli ATR 42-300 samolyoti qulagan joyda qidiruv-qutqaruv operatsiyalarini o‘tkazishga va qurbonlarning qoldiqlarini evakuatsiya qilishga noqulay ob-havo sharoitlari xalal bermoqda, deb xabar berdi “RIA Novosti”.
Bortida jami 54 kishi bo‘lgan samolyot 16-avgust kuni Oksibil shahri yaqinida, qo‘nishga 10 daqiqa qolganda tog‘ bilan to‘qnashib ketgan va natijada samolyot bortida bo‘lganlarning hammasi halok bo‘lgan. Ularning barchasi Indoneziya fuqarolari ekanligi aytilgan.
Bintang tumani politsiyasi rahbari Yunus Vallining so‘zlariga ko‘ra, halokat sodir bo‘lgan hududda ko‘rinarlilik darajasi atigi ikki metrni tashkil qilmoqda. Shu tufayli vertolyotlar uchun vaqtinchalik qo‘nish maydonchasi qurilishi ham qoldirilgan. Quruqlikda harakatlanayotgan qutqaruvchilar ham tog‘ va qalin o‘rmonlar tufayli katta qiyinchiliklarga duch kelmoqda.
Izoh (0)