2015-yilda “Sharq” nashriyoti tomonidan so‘fiylik tariqatining yirik namoyondalaridan biri shayx Zangi ota to‘g‘risida Akmal Saidov qalamiga mansub “Hazrat Zangi ota” kitobi nashr qilindi, deb xabar bermoqda “12news.uz”.
O‘zbek tilida chop etilgan kitob muqaddima, to‘rtta bob, xotima, shuningdek, olti tildagi taqrizdan iborat. Kitobda Xo‘ja Ahmad Yassaviyning ustozi Arslonbobning evarasi bo‘lgan turkistonlik avliyo shayx Zangi ota (Oyxo‘ja ibn Tojxo‘ja) haqida so‘z boradi.
Asar muallifi O‘zbekiston Respublikasi Inson huquqlari bo‘yicha milliy markazi direktori, yuridik fanlar doktori, professor Akmal Saidovdir. Nashrga O‘zbekiston musulmonlar idorasi raisi, muftiy Usmonxon Alimov mas’ul muharrirlik qilgan. Ilmiy-ommabop uslubda yozilgan kitob so‘fiylik tarixiga qiziquvchi mutaxassislarga, shuningdek, keng kitobxonlar ommasiga mo‘ljallangan.
Izoh (0)