O‘zbekistonning birinchi raqamli tennischisi Denis Istomin Turkiyaning Istanbul shahrida davom etayotgan Istanbul Open turnirining ikkinchi davra uchrashuvida kortga chiqdi. Uning chorak final yo‘lidagi raqibi braziliyalik tennischi Tomaz Beluchchi bo‘ldi, deb xabar beradi Olamsport.com.
Taqqoslash uchun, Istomin dunyo reytingida 66, Beluchchi esa 74-o‘rinni egallab turibdi. Biroq reytingdagi tafovutga qaramay, Denis raqibiga 6:7, 3:6 hisobida imkoniyatni boy berdi va yakkalikdagi ishtirokini yakunladi.
Eslatib o‘tamiz, Istanbul Open turnirining umumiy mukofot jamg‘armasi 494 ming 310 yevroni tashkil etadi. Musobaqa g‘olibi 80 ming yevro muklofot puli hamda 250 reyting ochkosiga ega bo‘ladi.
Izoh (0)