“Beyjing Guoan” – “Brisban Roar” uchrashuvini o‘zbekistonlik hakamlar boshqaradi

Osiyo Chempionlar Ligasi – 2015 “G” guruhi 5-tur doirasidagi “Beyjing Guoan” – “Brisban Roar” uchrashuvida o‘zbekistonlik hakamlar brigadasi ishlaydi, deb xabar beradi O‘zbekiston Futbol Federatsiyasi axborot xizmati.

Ushbu uchrashuvda bosh hakam FIFA referisi Valentin Kovalenko bo‘lib, unga qanotlarda Ma’mur Saidqosimov hamda Husniddin Shodmonov yordam beradi. Uchrashuvda to‘rtinchi hakam vazifasini Sherzod Qosimov bajaradi.

Ma’lumot uchun aytib o‘tish joizki, ayni vaqtda “Beyjing Guoan” o‘tkazilgan 4 turdan keyin 10 ochko bilan guruhda birinchi o‘rinda boryapti. Avstraliyaliklarda esa 4 o‘yindan keyin 4 ochko bo‘lib, ular guruhda 3-o‘rinni eggalab turibdi.