Rossiyalik taniqli dizayner Valentin Yudashkinning rafiqasi Marina Yudashkinaning Moskva markazida joylashgan uyidan kazino o‘yinlari zali topildi, deb xabar bermoqda “TASS”.
Moskva huquqni muhofaza qilish organlari ma’lumotiga ko‘ra, uyda o‘yin avtomatlari, ikkita poker va bitta ruletka stollari o‘rnatilgan bo‘lgan. Politsiya uyga kirganda, ichkarida hech kim bo‘lmagan, hamma yong‘in xavfsizligi zinasi orqali uyni tark etgan.
Aniqlik kiritilishicha, politsiya qo‘shnilarning telefon orqali murojaatidan keyin kelgan. Dastlabki ma’lumotlarga ko‘ra, uy Marina Yudashkina nomiga rasmiylashtirilgan. Biroq uning o‘yin tashkilotchilari bilan aloqasi bor yoki yo‘qligi haqida ma’lumot mavjud emas.
Izoh (0)