U-20 yoshlar o‘rtasidagi JCh: O‘zbekiston Germaniya, Gonduras va Fiji bilan bir guruhdan joy oldi

Shu yili Yangi Zelandiyada bo‘lib o‘tgan U-20 yoshlar o‘rtasidagi Jahon chempionati final bosqichiga qur’a tashlandi. Unga ko‘ra O‘zbekiston U-20 yoshlar terma jamoasi “F” guruhida Germaniya, Gondduras va Fiji yoshlar terma jamoalariga qarshi o‘ynaydi, deb xabar bermoqda “Stadion.uz”.

Ravshan Haydarov bosh murabbiyligidagi jamoa Jahon chempionatidagi ilk uchrashuvda 1-iyun kuni Gondurasga qargi maydonga tushadi. O‘zbekiston yoshlari 2-turda Fiji yoshlariga qarshi to‘p surishsa, guruhdagi so‘nggi tur o‘yini Germaniya terma jamoasiga qarshi o‘tkaziladi.

Musobaqaning barcha guruhlari va musobaqa taqvimi haqida batafsil keyinroq chop etiladi. Eslatib o‘tamiz, yoshlar o‘rtasidagi jahon chempionati 30-may kuni start oladi.