Saudiya Arabistoni O‘zbekistonni mag‘lub etsa, har bir futbolchiga 12 ming dollardan beriladi

Saudiya Arabistoni futbol federatsiyasi mamlakat terma jamoasi futbolchilariga katta miqdorda mukofot pullarini va’da qildi. Bu haqda “Akhbaar24.argaam.com”ga asoslanib “Stadion.uz” xabar bermoqda.

Jumladan, terma jamoa O‘zbekistonni mag‘lub etib, chorak finalga chiqsa, har bir futbolchi 44 ming rial (12 ming dollar) miqdorida mukofot pulini qo‘lga kiritadi (bunda: 17 ming rial O‘zbekistonni mag‘lub etgani uchun, 27 ming rial chorak finalga chiqqani uchun).

KXDR terma jamoasi mag‘lub etilgani uchun saudiyalik futbolchilarning har biri o‘z hisobiga 15 ming rial miqdorida mukofotni yozib qo‘ygandi.

Saudiya Arabistoni yarim finalga chiqsa, har bir futbolchi qo‘shimcha 35 ming rialdan, finalga chiqsa 50 ming rialdan ishlaydi.

Shu tariqa, Saudiya Arabistoni chempionlikni qo‘lga kiritsa, har bir futbolchi oladigan mukofot puli 370 ming rialga yetadi. Qo‘shimchasiga hukumat, rahbarlar va tadbirkorlar tomonidan beriladigan qo‘shimcha bonus va mukofotlar evaziga har bir o‘yinchining mukofot puli 500 ming rial (137 ming dollar)ga yetishi mumkin.

Ushbu mufokot jamg‘armasi Saudiya Arabistoni futboli tarixidagi eng yirigi hisoblanadi.