Krishtianu Ronaldu Syurix shahrida bo‘lib o‘tgan marosim doirasida Messi bilan suhbat chog‘ida o‘zining o‘g‘li Barselona hujumchisi ishtirokidagi barcha o‘yinlarni tomosha qilishini aytib o‘tdi, deb xabar beradi “Stadion.uz”.
12-yanvar kuni Syurixda bo‘lib o‘tgan FIFA yil laueratlarini aniqlash marosimida qiziq holat yuz berdi: marosim boshlanishidan oldin Ronaldu o‘z o‘g‘li va onasi bilan stol atrofida o‘tirgan paytda zalga Lionel Messi kirib keldi va Ronaldu oilasi bilan ko‘rishish uchun stol atrofiga keldi. Ikkala futbolchi o‘zaro suhbatlashib o‘tirdi. Suhbat davomida Ronaldu Messiga ‘Leo, o‘g‘lim sening ishtirokingdagi barcha o‘yinlarni tomosha qiladi va faqat sen haqingda gapiradi’, — dedi.
Ronalduning o‘g‘li argentinalik futbolchining oldiga kelganda esa Messi unga qarata “Nahotki, bundan uyalmaysanmi”, — deya kulgi aralash hazil qildi.
Ikki futbolchi o‘rtasidagi suhbat ancha davom etdi va shundan so‘ng har ikkalasi marosimda qatnashish uchun o‘zlariga ajratilgan joyga borib o‘tirdi.
Izoh (0)