Quvaytda tennis bo‘yicha “Fyuchers” turkumidagi turnirning asosiy to‘r bahslari davom etyapti. Mukofot jamg‘armasi 10 ming AQSh dollarini tashkil etuvchi musobaqaning juftliklar bahsida Shonig‘mat Shofayziyev chorak finalga yo‘l oldi. Bu haqda “Olamsport” xabar bermoqda.
Shonig‘mat Shofayziyev polshalik Adam Majchrovij bilan birga to‘g‘ridan-to‘g‘ri ikkinchi davra yo‘llanmasini qo‘lga kiritdi. Bu juftlik turnirda 4-raqam ostida tasniflangan. Ular yarim final yo‘lida belgiyalik Mixael Gerets hamda germaniyalik Daniel Masur juftligiga qarshi kortga chiqadi.
Eslatib o‘tamiz, o‘zbekistonlik tennischi yakkalikning ilk bosqichida gollandiyalik David Pelga 2:6, 3:6 hisobida imkoniyatni boy bergan edi.
Izoh (0)