Serbiyalik taniqli mutaxassis Bora Milutinovich “Bunyodkor” stadioniga tashrif buyurdi, deb xabar bermoqda “Bunyodkor” klubining rasmiy sayti.
Taniqli mutaxassis “Bunyodkor” stadionida yaratilgan sharoitlar bilan yaqindan tanishib, stadion hududidagi muzey, kiyim almashtirish xonasi va maydon holatini ko‘zdan kechirdi.
“‘Bunyodkor’ stadioni barpo etilgani haqida avval eshitgandim. Ushbu stadionda bo‘lib, u bilan yaqindan tanishganimdan juda xursandman. Bunday zamonaviy arenalar futbol rivoji uchun xizmat qiladi. O‘ylaymanki, bu stadionda katta futbol o‘yinlari hali juda ko‘p bo‘lib o‘tadi”, — dedi Bora Milutinovich.
Izoh (0)