O‘zbekiston Respublikasi madaniyat va sport ishlari vaziri vazifasini vaqtincha bajaruvchi lavozimiga vazir o‘rinbosari − “O‘zbeknavo” estrada birlashmasi bosh direktori Bahodir Ahmedov tayinlandi, deb xabar bermoqda 12news.uz.
Avvalroq, 2014-yilning mart oyida prezident qarori bilan “O‘zbeknavo” rahbari lavozimi madaniyat va sport ishlari vaziri o‘rinbosari darajasiga chiqarilgani ma’lum qilingan edi. O‘sha vaqtda ushbu lavozimga Bahodir Ahmedov tayinlangan edi.
Eslatib o‘tamiz, 2014-yil 17-oktabr kuni prezident qarori bilan 2013-yil fevral oyidan buyon madaniyat va sport ishlari vaziri lavozimini egallab kelgan Minhojiddin Hojimatov iste’foga chiqarilgan edi.
Izoh (0)