Samsung Galaxy S6 smartfonining rasman tasdiqlanmagan texnik xususiyatlari e’lon qilindi

Ishchi nomi Project Zero deb nomlangan yangi Galaxy S6 smartfonining rasman tasdiqlanmagan texnik xususiyatlari e’lon qilindi. Bu haqda Phonearena.com ma’lumotiga asoslanib “Parol” nashri xabar berdi.

Hali Galaxy S6 deb nomlanishi ham noma’lum bo‘lgan Project Zero smartfonining ikki xil — 64 bitli Snapdragon 810 va sakkiz yadroli Exynos 7420 protsessorlari o‘rnatilgan turlari mavjud bo‘lishi kutilmoqda.

Taxminlarga ko‘ra, yangi Galaxy smartfonida 1440×2560 pikselli QuadHD displey, 5 megapikselli old va OIS — suratlarni optik stabillashtirish funksiyasiga ega 16 yoki 21 megapikselli orqa kamera, 3 Gb tezkor xotira o‘rnatiladi.

Ushbu smartfonning MicroSD yordamida kengaytirish mumkin bo‘lgan 32, 64, 128 Gb ichki xotirali turlari sotilishi taxmin qilinmoqda.

Shuningdek, “Parol” nashrida quyidagi maqolalarni o‘qishingiz mumkin:

• Hayotni osonlashtiruvchi zamonaviy texnologiyalar (foto);
• Ichidan tashqarini ko‘rsa bo‘ladigan shaffof avtomobil yaratildi (video);
• Vena qon tomirini oson topishda yordam beruvchi qurilma yaratildi (video).