AQShda yangi Samsung Galaxy Note Edge smartfonini 945 dollardan xarid qilish mumkin

AQShda Samsung Galaxy Note Edge smartfoni 14-noyabrdan AT&T aloqa operatori orqali shartnomasiz 945,99 dollar naxrda sotila boshlanadi. Bu haqda Phonearena.com ma’lumotiga asoslanib “Parol” nashri xabar berdi.

Ushbu smartfonda 5,6 dyuymli displey, Snapdragon 805 protsessori, Adreno 420 videokartasi, 3 Gb tezkor xotira, 3000 mA·soat quvvatga ega batareya o‘rnatilgan. Unda ikkita displey mavjud bo‘lib, ikkinchisi botiq va smartfonning yon tomonidan o‘rin egallagan.

Eslatib o‘tamiz, Note Edge Janubiy Koreyada 1016 dollar narxda sotilmoqda. O‘zbekistonda esa Note Edge’ning sotuvi hali boshlanmadi. Biroq Note Edge bilan bir vaqtda taqdim etilgan Note 4 planshetofonini “Fleshka” savdo majmuasidan 2,6 million so‘mga sotib olish mumkin.

Shuningdek, “Parol” nashrida quyidagi maqolalarni o‘qishingiz mumkin:

• Nokia kompaniyasining rasmiy distribyutori O‘zbekistonda aksiya boshladi;
• O‘tgan bir oy ichida Android’ning KitKat versiyasidan foydalanuvchilar soni 5 foizga oshdi;
• HTC One (M8) va One (M7) smartfonlari 90 kundan so‘ng Android’ning yangi versiyasiga o‘tishi mumkin.