Samsung to‘liq metall korpusli yangi Galaxy A5 va Galaxy A3 smartfonlarini taqdim etdi

Samsung kompaniyasi yoshlar uchun mo‘ljallangan yangi Galaxy A5 va Galaxy A3 smartfonlarini taqdim etdi. Bu haqda Phonearena.com ma’lumotiga asoslanib “Parol” nashri xabar berdi.

Galaxy A5 smartfoni 6,7 millimetr, Galaxy A3 esa 6,9 millimetr qalinlikda. Ikkala smartfon ham to‘liq metall korpusga ega, shuningdek, ulardagi 5 megapikselli old kamera selfi suratlar olish uchun mo‘ljallangan.

Galaxy A5 smartfonida 5 dyuym 720×1280 pikselli Super AMOLED displey, 1,2 GGs chastotaga ega to‘rt yadroli protsessor, 2 Gb tezkor va 16 Gb ichki xotira (+MicroSD), 13 megapikselli orqa kamera, 2300 mA·soat quvvatga ega batareya o‘rnatilgan.

Galaxy A3 smartfonida 4,5 dyuym 540×960 pikselli Super AMOLED displey, A5 bilan bir xil protsessor, 1 Gb tezkor va 16 Gb ichki xotira (+MicroSD), 1900 mA·soat quvvatga ega batareya o‘rnatilgan. Galaxy A5 va A3 smartfonlari Android 4.4 KitKat operatsion tizimida ishlaydi.

Smartfonlar noyabrdan sotila boshlanadi. Ammo hozircha ularning narxi haqida ma’lumot berilmagan. Galaxy A5 va A3 smartfonlarining suratlarini “Parol” nashrining ushbu fotojamlanmasida tomosha qilsangiz bo‘ladi.

Shuningdek, “Parol” nashrida quyidagi maqolalarni ham o‘qishingiz mumkin:

• Samsung Galaxy A smartfonlarining tanishtiruv videoroligini taqdim etdi;
• HTC surunkali pastlashdan so‘ng, 2014-yilning uchinchi choragini foyda bilan yakunladi;
• HP kompaniyasi proyektorli klaviaturaga ega Sprout kompyuterini taqdim etdi (foto);