Oppo kompaniyasi dunyodagi eng ingichka — 4,85 mm qalinlikka ega R5 smartfonini taqdim etdi

Oppo R5 eng ingichka smartfon sifatida dunyo rekordini yangiladi. Bu haqda Phonearena.com ma’lumotiga asoslanib “Parol” nashri xabar berdi.

Ushbu smartfonda 5,2 dyuym 1080×1920 pikselli Super AMOLED displey, 1,5 GGs chastotaga ega 64 bit, sakkiz yadroli protsessor, 2 Gb tezkor xotira, 5 megapikselli old va 13 megapikselli orqa kamera, 2000 mA·soat quvvatga ega batareya o‘rnatilgan. U Android operatsion tizimida ishlaydi va 499 dollardan sotilishi kutilmoqda.

Oppo R5 smarfoni 148,9×74,5×4,85 mm o‘lchamga ega va u yarim santimetrdan kichik qalinlikka ega ilk smartfon ham hisoblanadi.

Eslatib o‘tamiz, shu paytgacha dunyoning eng ingichka smartfoni Gionee Elife S5.1 bo‘lib, u 5,1 mm qalinlik bilan “Ginnesning rekordlar kitobi”dan o‘rin egallagan edi. Vivo kompaniyasi ham 3,8 mm qalinlikka ega smartfon ishlab chiqarishni maqsad qilgan. Biroq hozircha, dunyoning eng ingichka smartfoni nomi Oppo R5’ga tegishli.

Shuningdek, “Parol” nashrida quyidagi maqolalarni ham o‘qishingiz mumkin:

• Hozirda Facebook’dan kuniga 864 million kishi foydalanmoqda;
• HTC’ning yangi reklama roligida eski smartfonni yangisiga qanday almashtirish kerakligi ko‘rsatildi;
• Microsoft’ning fikricha, yangi iPhone’dan ko‘ra Lumia 635 smartfonini xarid qilish yaxshi tanlov.