Qalinligi 7,1 millimetr bo‘lgan iPhone 6 Plus smartfoni bilan o‘tkazilgan bir qancha buklanish sinovlaridan keyin, undan ingichkaroq iPad Air 2 plansheti ham buklanmasligiga ishonmaydiganlar topildi. Bu haqda Phonearena.com ma’lumotiga asoslanib “Parol” nashri xabar berdi.
Ikkita YouTube foydalanuvchisi iPad Air 2 planshetining buklanishiga oid videoroliklarni taqdim etishdi. Birinchi videoda yangi iPad Air 2 plansheti qo‘l bilan juda oson va “qo‘rqinchli” darajada buklandi.
Ikkinchi video esa birinchi video taqdim etilganidan bir necha soat o‘tib YouTube’ga joylangan. Unda yangi Apple plansheti umuman buklanmasligi ko‘rsatiladi.
Eslatib o‘tamiz, yangi iPad Air 2 plansheti 16-oktabr kuni taqdim etilgan edi va uning qalinligi 6,1 millimetrni tashkil etadi. Shu bois ushbu gadjet dunyoning eng ingichka plansheti nomini oldi.
Izoh (0)