Messining otasi farzandi va Ronaldu o‘rtasidagi raqobat har ikki futbolchi uchun foyda ekanligini aytdi

“Barselona” klubi hujumchisi Lionel Messining otasi Xorxe Messi o‘g‘li va Krishtianu Ronaldu o‘rtasidagi raqobat haqida gapirib o‘tdi, deb xabar bermoqda Uff.uz.

“Mening fikrimcha, raqobat ularning har ikkisi uchun ham foydali. Har doim emas, albatta, ammo vaqti-vaqti bilan bu narsa ularga rivojlanishda yordam beradi.

Luis Suares haqida gapiradigan bo‘lsam, uning jamoaga kelishi foydadan holi emas. ‘Barselona’da kuchli futbolchilar ko‘p, Suares esa jamoani yanada kuchaytiradi”, — dedi Xorxe Messi.

Lionel Messi o‘zining faoliyatini qachon, qayerda tugatishi borasida esa futbolchining otasi quyidagi fikrlarni aytib o‘tdi: “U ‘Barselona’ni yaxshi ko‘radi, ammo hayot hamisha kutilmagan sovg‘alar tayyorlab turadi. Oldindan bir narsa deyish qiyin”.