“Parol” nashri 12-oktabr holatiga ko‘ra Toshkent shahridagi “Fleshka” savdo majmuasida sotilayotgan Apple iPhone 6 smartfonlarining narxlarini e’lon qildi. Unga ko‘ra, ushbu majmuada iPhone 6 Plus smartfonining 128 gigabayt xotirali turi 4 350 000 so‘mdan sotilmoqda. Bundan uch hafta oldin esa, ushbu smartfon “Fleshka” savdo majmuasida 5 million so‘mdan sotilayotgan edi.
Eslatib o‘tamiz, iPhone 6 Plus smartfonida displeylar uchun yangi avlod hisoblanadigan 5,5 dyuym 1920×1080 pikselli Retina HD displeyi, 64-bitli Apple A8 chipi, 8 megapikselli kamera, 2915 mA·soat quvvatga ega batareya o‘rnatilgan. U iOS 8 operatsion tizimida ishlaydi.
iPhone 6 Plus metal korpusli, suv o‘tkazmas va chetlari aylana shaklida ishlab chiqarilgan. Uning qalinligi 7,1 millimetrni tashkil etadi. iPhone 5s samartfonining qalinligi 7,6 millimetr, 4,7 dyuym displeyli iPhone 6’ning qalinligi esa 6,9 millimetr.
Shuningdek, 12-oktabr holatiga ko‘ra iPhone 6 smartfonlarining barcha xotirali turalari narxi bilan “Parol” nashrining ushbu maqolasida tanishishingiz mumkin.
Izoh (0)