Fotomodel Naomi Kempbell Malala Yusufzayni “Malyariya” deb atagani uchun uzr so‘radi

Taniqli model Namoi Kempbell Twitter’da Nobel mukofoti sovrindori Malala Yusufzayni “malyariya” (bezgak) deb atagani uchun ijtimoiy tarmoq foydalanuvchilarining tanqid va kulgilariga sabab bo‘ldi, deb xabar bermoqda “RIA Novosti”.

“Supermodel Naomi Kempbell Malyariyani tabrikladi...”, — deb yozadi @SirJadeja Twitter’da.

Super Model Naomi Campbell congratulates Malaria... uhhh... #Malala on #NobelPeacePrize pic.twitter.com/UAaVMe0w6C

— Sir Jadeja fan (@SirJadeja) October 12, 2014

Kempbellning o‘zi esa uzr so‘rab, uning Malala deb yozganini iPhone’ning imloni avtomatik ravishda tuzatuvchi funksiyasi “malyariya”ga aylantirib yuborganini aytgan: “Azizlarim, men va iPhone’im bir-birimizni tushunmaymiz. Men bir so‘zni yozsam, u boshqa so‘zni chop etibdi. Meni kechiringlar”.

Darlings my iPhone and I are at odds it seems I type a word it seems to spit out another , forgive me… http://t.co/8QE0oPuME4

— Naomi Campbell (@NaomiCampbell) October 11, 2014

Eslatib o‘tamiz, pokistonlik 17 yoshli Malala Yusufzay 2014-yilgi tinchlik bo‘yicha Nobel mukofotiga loyiq ko‘rilgan edi.