O‘zbekiston milliy terma jamoasi bugun, 7-oktabr kuni BAAga yetib keldi. Futbolchilar o‘quv-mashg‘ulot yig‘inini shu yerda davom ettiradi, deb xabar bermoqda Stadion.uz.
O‘zbekiston terma jamoasi bir kun avval — 6-oktabr kuni Dohada Qatar terma jamoasiga yirik 0:3 hisobida imkoniyatni boy bergandi.
Qatarga qarshi o‘yinda O‘zbekiston terma jamoasi bosh murabbiyi Mirjalol Qosimov legionerlar xizmatidan foydalana olmadi. Legionerlar aynan BAAdagi yig‘inga yetib keladi.
O‘zbekiston milliy terma jamoasi BAAda ikkita o‘rtoqlik uchrashuvini o‘tkazadi. Dastlabki o‘yin 10-oktabr kuni Bahraynga qarshi bo‘lib o‘tsa, BAA bilan uchrashuv 14-oktabr kuni o‘tkaziladi. Ushbu o‘yinlar mos ravishda Dubay va Abu-Dabi shaharlarida bo‘lib o‘tadi.
Izoh (0)