“Parol” nashri 28-sentabr holatiga ko‘ra Toshkent shahridagi “Fleshka” savdo majmuasida sotilayotgan Samsung planshetlarining narxlarini e’lon qildi. Unga ko‘ra, ushbu bozorda 2 million so‘mdan sotilayotgan Samsung Galaxy Tab S eng qimmat planshet deb topildi.
Galaxy Tab S planshetida 10,5 dyuym, 1600×2560 pikselli displey, 3 Gb tezkor va 16/32 Gb ichki xotira (+MicroSD), 2,1 megapikselli old va 8 megapikselli orqa kamera, 2,3 GGs chastotaga ega to‘rt yadroli Snapdragon 800 va Adreno 330 grafika protsessori, 7 900 mA·soat quvvatga ega batareya, Android 4.4.2 KitKat (TouchWiz UI interfeysi) operatsion tizimi o‘rnatilgan.
Uning o‘lchamlari 247,3×177,3×6,6 millimetrni, og‘irligi esa 467 grammni tashkil etadi. Ushbu planshet 21-sentabr holatiga ko‘ra Toshkent shahridagi “Abu Saxiy” bozorida ham 2 million so‘mdan sotilmoqda.
Shuningdek, “Parol” nashri tomonidan “Fleshka” va “Abu Saxiy” bozorlarida sotilayotgan barcha Samsung planshetlarining narxlari taqqoslandi. Natijalar bilan ushbu maqolada tanishishingiz mumkin.
Izoh (0)