Toshkent davlat sirki artistlari guruhi Moskvada bo‘lib o‘tgan XIII Xalqaro yoshlar tanlov-festivalidan g‘alaba bilan qaytdi. Mashhur o‘zbek sirkchilari sulolasi − Toshkenboyevlar o‘zlarining “O‘zbek dorbozlari” deb nomlangan chiqishlari bilan uchinchi o‘rinni egallab, “Bronza fil” sovrinini qo‘lga kiritdi, deb xabar bermoqda Uzbekistan Today.
“Bunday festivallarning har biri dunyodagi eng yaxshi muvaffaqiyatlar ko‘rgazmasidir, ularda qatnashish keyingi rivojlanish uchun turtki bo‘ladi. Hakamlar tryuklarning bajarilishi va ijro mahoratiga qarab chiqishlarni baholadi. Dorbozlarimiz Rossiya va Xitoyning eng yaxshi sirk ustalari bilan bir qatorda g‘oliblar safidan joy oldi”, − dedi Olimjon Toshkenboyev.
Toshkenboyevlar sulolasi vakillari xalqaro tanlovlarda bir necha marta g‘olib bo‘lgan. Shu festivalning 2009-yilda Pekinda bo‘lib o‘tgan sonida ham dorbozlarimiz “Bronza fil”ni qo‘lga kiritgan.
Izoh (0)