Yangi Samsung Galaxy Note 4 smartfonining texnik xususiyatlari suratlarda tasvirlandi
Samsung kompaniyasi o‘qishga erinuvchilar uchun sentabr boshida taqdim etilgan Galaxy Note 4 planshetofonining xususiyatlarini suratlarda tasvirladi. Bu haqda Phonearena.com sayti ma’lumotiga asoslanib “Parol” nashri xabar berdi.
Suratda Note 4’ning o‘lchamlari va uning korpusida metal ishlatilgani tasvirlangan
Note 4’da Quad HD displey o‘rnatilgan. Uning boshqa displeylardan farqini suratda ko‘rishingiz mumkin
Note 4’da 3,7 megapikselli old va 16 megapikselli orqa kamera o‘rnatilgan
S Pen (ruchka) gadjeti avvalgi turidan ko‘ra ikki barobar sezgirroq
Note 4’da suratga olish va undagi xatoni S Pen yordamida to‘g‘rilash mumkin
Note 4 batareyasining yarmi to‘lishi uchun 30 daqiqa sarflaydi. Note 3 esa bu ish uchun 55 daqiqa sarf etar edi
U Android 4.4 KitKat operatsion tizimida ishlaydi. Note 4’ning ikki xil protsessorga ega turi mavjud: 2,7 GGs chastotaga ega to‘rt yadroli / To‘rtta 1,9 GGs va yana to‘rtta 1,3 GGs chastotaga ega jami sakkiz yadroli
Uning ichki xotirasi 32 Gb. Unga 128 gigabaytgacha bo‘lgan MicroSD o‘rnatish mumkin. Tezkor xotirasi 3 Gb, batareyasining quvvati esa 3220 mA·soatni tashkil etadi
Note 4’da barmoq izi skaneri hamda yurak urishini nazorat qilish funksiyalari mavjud
O‘zbekistonda sotilayotgan Samsung Galaxy Note smartfonlarining narxlari bilan “Parol” nashrining ushbu maqolasida tanishishingiz mumkin.
Izoh (0)