Google arzon smartfonlar ishlab chiqarish va barchani Android qurilmalari bilan taminlash maqsad qilingan Android One loyihasini ishlab chiqqan edi. Va nihoyat Android One smartfonlari ishlab chiqarildi. Kutilganidek, ularning ilk taqdimoti Hindistonda bo‘lib o‘tdi. Bu haqda LookAtMe sayti ma’lumotiga asoslanib “Parol” nashri xabar berdi.
Android One smartfonlari Micromax Canvas A1, Spice Dream UNO va Karbonn Sparkle V deb nomlandi. Ushbu smartfonlarning barida 4,5 dyuym 854×480 pikselli displey, 1,3 GGs chastotaga ega to‘rt yadroli MediaTek hamda Mali 400 grafika protsessorlari, 1 Gb tezkor va 4 Gb ichki xotira (+MicroSD), yuqori sifatli old va orqa kamera (megapikseli hozircha noma’lum) o‘rnatilgan.
Ular ikki SIM-kartada ishlaydi va Hindistonda joriy yilning oktabridan sotuvga chiqadi, narxi esa taxminan 105 dollar bo‘ladi. Shundan so‘ng, ushbu smartfonlar Sharqiy Osiyo mamlakatlarida sotila boshlanadi.
Izoh (0)