JCh — 2014’da g‘alaba qozongan Germaniya o‘rtoqlik uchrashuvida Argentinaga imkoniyatni boy berdi

Terma jamoalar o‘rtasida bugun bir nechta o‘rtoqlik uchrashuvlari bo‘lib o‘tdi. Ular orasida Germaniya — Argentina va Angliya —Norvegiya bahslari muxlislar tomonidan katta qiziqish bilan kuzatildi, deb xabar bermoqda Uff.uz.

JCh — 2014 finalchilari bo‘lgan Germaniya hamda Argentina uchrashuvi juda qiziqarli kechdi va yakunda argentinaliklar finaldagi mag‘lubiyat alamini oldi. Bu oqshom maydonda porlagan Di Mariya bitta gol kiritib, yana uchta golga assistentlik qildi. Avvaliga Aguero 20-daqiqada, keyin Lamela 40-daqiqada Di Mariyaning uzatmasidan gol kiritdi.

Ikkinchi bo‘limning 47-daqiqasida Di Mariyaning uzatmasidan gol urish navbati Fernandesga yetib keldi — 0:3.

50-daqiqada Di Mariyaning o‘zi ham raqib darvozasini ishg‘ol qildi.

52- va 78-daqiqalardagi Shyurrle va Getselarning gollari oradagi farqni ikkitaga qisqartirdi.

Angliya bo‘lsa Norvegiyaga qarshi kechgan bahsda unchalik ham yorqin o‘yin ko‘rsatmadi. 68-daqiqada Angliya yangi sardori Ueyn Runining penaltidan urgan goli angliyaliklarga g‘alaba keltirdi.

O‘rtoqlik uchrashuvlari:

Germaniya — Argentina 2:4 (0:2, 2:2)

Gollar: 0:1 – 20 Aguero, 0:2 – 40 Lamela, 0:3 – 47 Fernandes, 0:4 – 50 Di Mariya, 1:4 – 52 Shyurrle, 2:4 – 78 Getse.

Germaniya: Noyer (Vaydenfeller, 46), Ginter, Durm, Xevedes (Ryudiger, 77), Grosskroyts, Roys, Kramer, Shyurrle (Myuller, 57), Draksler (Podolski, 33), Kroos (Rudы, 71), Gomes (Getse, 57).

Argentina: Romero (Anduxar, 80), Roxo, Fernandes, Demichelis, Sabaleta (Kampanyaro, 77), Bigliya, Enso Peres (Fernandes, 46), Lamela (Gago, 68), Maskerano, Di Mariya (Alvares, 86), Aguero (Gaytan, 83).Ogohlantirishlar: Demichelis (17), Draksler (20), Podolski (70).

Angliya — Norvegiya 1:0 (0:0, 1:0)

Gol: 1:0 – 68, penalti Runi.

Angliya: Jo Xart, Stounz (Chembers, 81), Jons, Keyxill (Jagelka, 84), Beyns, Uilsher (Delf, 69), Xenderson, Sterling, Oksleyd-Chemberlen (Milner, 69), Runi (Uelbek, 70), Starridj (Lambert, 89).

Norvegiya: Nyulann, Elabdellaui, Forren, Linnes (Flu, 36), King (Nilsen, 76), Shelbred (Elyunussi, 69), Yuxansen, Yenssen (Gamst Pedersen, 88), Elyunussi (Kamara, 78), Deli (Konradsen, 57), Nordtveyt.