Samsung kompaniyasi Gear S aqlli soatidan tashqari bo‘yinda taqib yurish mumkin bo‘lgan Gear Circle nomli quloqchinlarni ham taqdim etdi. Bu haqda The Verge ma’lumotiga asoslanib “Parol” nashri xabar berdi.
Gear Circle gadjetini Bluetooth yordamida smartfonga ulash va unda musiqa eshitish, qo‘ng‘iroqlarga javob berish hamda ovozli buyruqlarni amalga oshirish mumkin. Qo‘ng‘iroqlar kelganda quloqchin vibratsiya bilan foydalanuvchini ogohlantiradi.
Gear Circle’dan foydalanilmayotgan paytda uni cho‘ntakka solib qo‘yish yoki taqinchoq sifatida bo‘yinga taqib yurish mumkin. Gadjetning qora, ko‘k va oq rangli turlari taqdim etilgan bo‘lib, oktabrdan boshlab butun dunyo bo‘ylab sotila boshlanadi.
Samsung Gear Circle quloqchinining suratlarini mana bu manba orqali tomosha qilishingiz mumkin.
Izoh (0)