WebOS operatsion tizimidagi yangi LG Smart TV televizorlari qatori — bu aqlli televizorlardan foydalanishning oson va qulaylik tomonga yuz tutishidir. 55LB730V, 55LB673V va 47LB652V modellari eng so‘nggi zamonaviy dizayn, beqiyos tasvir sifati bilan farq qilishidan tashqari, birtalay nihoyatda rang-barang qo‘shimcha imkoniyatlarga ega, deb xabar bermoqda LG kompaniyasi.
Jumladan, agar sozlash jarayonida qandaydir savol tug‘ilsa, jonli qushcha Bean Bird yordamga keladi.
Launcher ishga tushirish panelining markaziy qismiga avvaldan premium-kontent o‘rnatilgan. Menyuning chap tomonida tarix (so‘nggi ishga tushirilgan ilovalar), o‘ng qismida esa foydalanuvchi tomonidan o‘rnatilgan ilovalar va televizorning asosiy funksiyalariga kirish o‘rin olgan.
Foydalanuvchilar ishga tushirish panelini o‘z xohishlariga ko‘ra yorliqlarni tashish yo‘li bilan sozlab olishlari mumkin. Biridan biriga o‘tish ham juda oson — bitta chaqiruvda amalga oshadi, shuning uchun boshqasiga o‘tishda foydalanayotgan ilovani yopib qo‘yishning ham hojati bo‘lmaydi.
Bundan tashqari, LG do‘koni juda ko‘p miqdorda to‘g‘ri efirga uzatiladigan ilovalar va ko‘rsatuvlarni, video va musiqani taklif etadi. Yangilangan do‘kon barcha taqdim qilinayotgan kontentni bir joyda ushlaydi, buning ustiga ularning eng mashhurlari saralab olingan. Optimallashgan qidiruvni amalga oshirish uchun esa ovozni tanuvchi funksiyali Magic Remote universal pultidan foydalanish mumkin.
Shuningdek, 55LB730V, 55LB673V yoki 47LB652V modellariga istalgan tashqi qurilmalarni ulash mumkin. WebOS operatsion tizimi avtomatik ravishda ularni topib, televizor ekraniga chiqaradi. Bulardan tashqari, foydalanuvchi kirishlarni boshqatdan nomlashi va ularga keyinchalik kerakli kirish qidiruvini yengillatuvchi o‘z piktogrammalarini berishi mumkin.
Smart Share funksiyasi orqali smartfonni televizorga ulash va uning displeyidagi tasvirni keng ekranga chiqarish mumkin.
Yangi “Fayl menejeri” funksiyasi televizorda yaratilgan istalgan foto yoki video materialni USB-tashuvchiga ko‘chirib olish imkonini beradi.
Izoh (0)