2014-yil 16-avgust kuni Buxoro shahrida navbatdagi e-sport bo‘yicha O‘zbekiston chempionati — Zo‘r-Zo‘r UCG 2014 boshlanadi. Bugun, 12-avgust kuni Toshkent shahrida o‘tkazilgan matbuot anjumanida bu yilgi chempionat qanday o‘tkazilishi haqida ma’lumot berildi.
Chempionat O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi va Beeline kompaniyasi tomonidan qo‘llab-quvvatlanadi.
ESWC — 2014 FIFA Uzbekistan saralash turniri O‘zbekistonning to‘rtta shahri — Buxoro, Samarqand, Farg‘ona va Toshkentda 16-avgustdan 15-sentabrga qadar o‘tkaziladi. Milliy final 26-sentabr kuni ICTExpo — 2014 An’anaviy axborot texnologiyalari xalqaro ko‘rgazmasining asosiy sahnasida bo‘lib o‘tadi. Taqdirlash marosimi 27-sentabrda o‘tkaziladi.
FIFA — 2014 g‘olibi Fransiyada o‘tkaziladiga ESWC — 2014 jahon kubogi finalida ishtirok etadi.
Chempionatda ishtirok etish uchun ro‘yxatdan o‘tish va turnir o‘tkazilishi qoidalari bilan Uzbekistan Cyber Games’ning Facebook’dagi rasmiy sahifasida tanishish mumkin.
Eslatib o‘tamiz, e-futbol bo‘yicha jahon kubogining final bosqichi 2014-yil 29-oktabrdan 2-noyabrgacha Fransiya poytaxtida Parij o‘yinlar haftaligi (Paris Games Week) doirasida bo‘lib o‘tadi.
Izoh (0)