Xitoy bozorida yangi Lumia 530 smartfonining sotuvi boshlandi. Bu haqda Phonearena.com sayti ma’lumotiga asoslanib “Parol” nashri xabar berdi.
Microsoft-Nokia kompaniyasining yangi smartfoni avvalgi Lumia 520 va Lumia 525 smartfonlaridan ancha kichikroq. Shuningdek, u kompaniyaning eng arzon Windows Phone operatsion tizimida ishlaydigan smartfoni bo‘ldi.
Qurilmada 4 dyuym, 480×854 pikselli displey, 1,2 GGs chastotaga ega Snapdragon to‘rt yadroli protsessori, 512 Mb tezkor va 4 Gb ichki xotira (+MicroSD), 5 megapikselli kamera, 1430 mA·soat quvvatga ega batareya va Windows Phone 8.1 operatsion tizimi o‘rnatilgan.
Xitoyda Lumia 530 smartfoni 97 dollardan sotilmoqda. Smartfon arzonligi sabab u ancha ommalashishi kutilmoqda. Buni Lumia 530 haqidagi reklama roligidan ham ko‘rish mumkin.
Izoh (0)