LG kompaniyasi “Barcha geniallik — oddiylikda” shiori ostida chiqarilgan yangi qurilmalarni foydalanuvchilar e’tiboriga havola etdi. Xususan, yaqinda chiqarilgan yetakchi G3 smartfoni LG kompaniyasining so‘nggi ishlanmalaridan biri hisoblanadi. Muvaffaqiyatli G2 modelining davomchisi sifatida yangi G3 ham o‘sha umumiy dizaynda, ammo katta ekranli, nozik va yanada yengil korpus bilan chiqarilgan.
Orqa panelda joylashtirilgan Rear Key klavishlari takomillashtirilgan yoqish/o‘chirish va ovozni sozlash tugmachalari bilan adashishga yo‘l qo‘ymaydi va foydalanuvchilarga turli-tuman vazifalarni bajarishda yordam beradi. Rear Key klavishlari o‘zida innovatsion dizaynerlik yechimlarni jamlagan: yanada sifatliroq materiallar qo‘llanilgan, tugmachalar teksturasi va bezagi yaxshilangan.
Android 4.4 operatsion tizimidan tashqari, G3 foydalanuvchi interfeysi dasturiy ta’minot bo‘yicha ko‘plab bebaho xislatlarni taqdim etadi. Smartfonda Smart Notice funksiyasi birinchi bor ishlatilmoqda. U zamonaviy yangilik va axborotlarni kerakli paytda olishga imkon berib, foydalanuvchilarni mustaqil izlash zaruratidan xalos etadi.
Knock On va Knock Code yoqish va blokirovkani yechish jarayonini yengillashtirsa, G3 dagi Smart Keyboard nafaqat o‘lcham bo‘yicha sozlanadi, balki tez va oson kirishni yengillatish uchun foydalanuvchilardan o‘rganadi. Va nihoyat, soddalashtirilgan 2D grafik interfeysi G3 ga tiniq, yorqin va ixcham manzarani taqdim etadi.
Shuningdek, LG kompaniyasining G Watch soatlari nafaqat G3 ga, balki, Android 4.3 platformasida va undan yuqorida ishlovchi istalgan boshqa devays bilan moslashishini hisobga olgan holda ishlab chiqarilgan.
G Watch soatlari foydalanuvchilarga istalgan paytda aloqada bo‘lish uchun yordam berib, o‘z devayslari bilan muloqotida katta imkoniyatlar beradi. G Watch’ning viqorli oddiyligi korpusning silliq va ixcham ishlanganida ko‘zga tashlanadi. Android qurilmalaridan ilovalar va yangilanishlarning keng spektrini o‘tkazgan G Watch foydalanuvchilarga kerakli ma’lumotni taqdim etish bilan birga, oddiy soatning o‘rnini ham bosa oladi. G Watch ovozdan foydalanish orqali baland aloqa funksiyasi bilan ta’minlangan, bu esa bunday ixcham displeyda matn terish qiyinchiligidan qutqaradi.
LG kompaniyasi “Boshqaruvdagi oddiylik”ni yaratish maqsadida yana bir maxsus HomeChat ilovasini ham ishlab chiqdi.Bu ilova maishiy texnika egalariga smartfonlar orqali ularga buyruq berish, shuningdek, ulardan javob va tavsiyalar olishlarida yordam beradi.
LG jihozlarining matnli buyruqlarni aniqlash va ularni amalga oshirish qobiliyati inson va mashina o‘rtasidagi o‘zaro moslashishning soddalashtirilishiga olib keladi. HomeChat yodda saqlab qolish kerak bo‘lgan tugmachalar yoki buyruqlardan emas, oddiy nutqdan foydalanadi, shunday qilib, foydalanuvchilar uchun o‘rganish jarayoni juda qisqa vaqtni oladi.
Izoh (0)