Mirjalol Qosimov bosh murabbiyligidagi O‘zbekiston milliy terma jamoasi 20-iyul kuni Toshkentda o‘zining navbatdagi o‘quv-mashg‘ulot yig‘inini boshladi. Terma jamoa bosh murabbiyi mazkur yig‘inga jami 26 nafar futbolchini chaqirgan. Bu haqda Uff.uz xabar berdi.
Qosimov ushbu yig‘inda 1991, 1992 va undan keyingi yillarda tug‘ilgan futbolchilardan iborat tarkibni sinovdan o‘tkazadi. Ular orasidan shu yilning avgust oyida Koreyaning Inchxon shahrida boshlanadigan Osiyo o‘yinlarining futbol musobaqasida ishtirok etadigan tarkib saralanadi. Eslatib o‘tamiz, Osiyo o‘yinlarida 23 yoshgacha bo‘lgan futbolchilar ishtirok etishi belgilangan.
Mazkur yig‘in davomida terma jamoa a’zolari 22-iyul “Navbahor”, 24-iyul “Metallurg”, 26-iyul Toshkentning “Paxtakor” va 28-iyul kuni “Olmaliq” klublariga qarshi nazorat uchrashuvlarini o‘tkazadi.
20—28-iyul kunlari bo‘lib o‘tadigan milliy terma jamoa yig‘iniga chaqirilgan futbolchilar ro‘yxati:
Darvozabonlar:Muhiddin Xudoyorov (“Andijon”)Abdukarim Muhammedov (“Bunyodkor”)Eldorbek Suyunov (“Nasaf”).
Himoyachilar:Salim Mustafoyev (“Lokomotiv”)Bobur Yo‘ldoshev (“Lokomotiv”)Sardor Rahmonov (“Lokomotiv”)Sherzod Fayziyev (“Mash’al”)Javlon Mirabdullayev (“Andijon”)Azamat Isroilov (“Olmaliq”)Yegor Krimets (“Paxtakor”)Akbar Ismatullayev (“Paxtakor”)Ulug‘bek Dadaboyev (“Nasaf”)Vladimir Kozak (“Paxtakor”)
Yarim himoyachilar:Azim Ahmedov (“Navbahor”)Pavel Smolyachenko (“Neftchi”)Sardor Mirzayev (“Lokomotiv”)Diyor Turopov (“Olmaliq”)Jamshid Iskanderov (“Paxtakor”)Sardor Sobirxo‘jayev (“Bunyodkor”)Sardor Rashidov (“Bunyodkor”)Alibobo Rahmatullayev (“Bunyodkor”)Dilshod Jo‘rayev (“Bunyodkor”)Farrux Sayfiyev (“Nasaf”)
Hujumchilar:Navro‘zbek Olimov (“Qizilqum”)Igor Sergeyev (“Paxtakor”)Shahzod Nurmatov (“Metallurg”)
Izoh (0)