“Nankin—2014”ga yo‘llanma olgan o‘zbekistonlik og‘ir atletikachilar nomi ma’lum bo‘ldi

16—28-avgust kunlari Xitoyning Nankin shahrida o‘tkaziladigan II yozgi o‘smirlar Olimpiada o‘yinlari yo‘llanmasini qo‘lga kiritgan o‘zbekistonlik og‘ir atletikachilar nomi ma’lum bo‘ldi, deya xabar beradi O‘zbekiston Milliy Olimpiya qo‘mitasi matbuot xizmati.

O‘zbekiston og‘ir atletika federatsiyasining xabariga ko‘ra, o‘smirlar o‘rtasida o‘tkaziladigan musobaqalarda Adham Ergashev (-56 kg) va Farhod Sobirov (-85 kg), qizlar o‘rtasidagi musobaqada esa Kamila Abdullayeva (+63 kg) ishtirok etadi.

“Nankin Olimpiadasida ishtirok etadigan sportchilar yil boshidan buyon o‘tkazilgan bir necha o‘quv-mashg‘ulot yig‘inlari orqali saralab olindi”, — dedi O‘zbekiston og‘ir atletika federatsiyasi bosh kotibi Baxtiyor Abdukarimov.