Janubiy koreyalik ijrochi PSY va amerikalik reper Snoop Dogg’ning birgalikda kuylagan Hangover qo‘shig‘i YouTube videoservisini “portlatdi”, deya xabar bermoqda Tengrinews.kz.
“Kun” ma’lumotlariga ko‘ra, PSY va Snoop Dogg’ning Hangover qo‘shig‘iga ishlangan klip 8-iyun kuni YouTube’ga joylangan va bir sutka ichida 4 million marta ko‘rilgan. Ushbu xabar yozilayotgan vaqtda klip deyarli 22 million marta ko‘rilgan edi.
Klipga 282 mingga yaqin foydalanuvchi “layk” bosgan, 81 mingga yaqin kishi esa “dizlayk” qo‘ygan.
Qayd etish joiz, Twitter mikrobloglar servisining aksariyat foydalanuvchilari nafaqat ushbu klipdan, balki PSY va Snoop Dogg o‘rtasidagi hamkorlikdan ham norozi ekanliklarini bildirgan.
Izoh (0)