Ўзбекистонда солиқ ҳуқуқбузарлиги ҳақида огоҳлантирган истеъмолчилар мукофотланиши ҳақида хабар берилган эди. Давлат солиқ қўмитаси 1 январдан 4 февралга қадар «Солиқ ҳамкор» орқали йўллаган мурожаатлари ўз тасдиғини топган фуқароларга жами 17,5 миллион сўм мукофот тайинланганини маълум қилди.
Қўмита хабарига кўра, айни пайтда 15 нафар фуқарога 9 миллион сўм мукофот тўлаб берилди.
2022 йил 1 январдан солиқ ҳуқуқбузарликлари ҳақида «Солиқ» мобил иловасининг «Солиқ ҳамкор« бўлими орқали хабар берган фуқароларга ҳуқуқбузарлардан ундирилган жарима суммасининг 20 фоизи миқдорида мукофот тўланиши белгиланган.
Фуқаролар «Солиқ ҳамкор» орқали:
- чек бермаслик;
- банк пластик картаси орқали тўловни қабул қилишни рад этиш;
- банк пластик картаси орқали тўлов амалга оширилганда маҳсулотни қиммат сотиш;
- ноқонуний тадбиркорлик фаолияти;
- маркировкаланиши керак бўлган маҳсулотни маркировкасиз (ёки қалбаки маркировка билан) сотиш ва шу каби солиқ ҳуқуқбузарликлари ҳақида хабар бериши мумкин.
Изоҳ (0)