Қозоғистон электр энергиясидаги узилиш Сирдарё ИЭС туфайли рўй берганини тасдиқлади

Қозоғистонда электр тармоқларини бошқариш бўйича масъул оператор KEGOC Қозоғистоннинг жанубий вилоятлари, Ўзбекистоннинг кўплаб вилоятлари ва бутун Қирғизистонни қамраб олган Марказий Осиё ягона электр тизимидаги ўчиш сабаблари тўлиқ тафсилотларини эълон қилди, деб хабар беради «Gazeta.uz».

Оператор маълумотларига кўра, 25 январь куни Нур-Султон вақти билан 11:59 (Тошкент вақти билан 10:59)да «Ўзбекистонда юз берган қисқа туташув туфайли Сирдарё ИЭСда 6 та энергоблокда ўчиш рўй берган ва бунинг оқибатида йўқотилган қувват жами 1500 мегаваттни ташкил қилган».

Энергетика ускуналарига зарар етишига йўл қўймаслик ва мамлакатнинг жанубий вилоятларини электр қувватидан тўлиқ ўчиб қолишдан ҳимоялаш мақсадида автоматик тизим транзитни узади ва Олмаота, Жамбил, Туркистон ва Қизил ўрда вилоятларини алоҳида ишлашга ажратади. KEGOC’да таъкидлашларича, аварияга қарши автоматик тизим ишга тушиши туфайли Қозоғистоннинг барча жанубий вилоятларидаги электр станциялари ўз фаолиятини тўхтатмаган ва истеъмолчиларни умумий қуввати 1500 мегаваттга тенг электр ва иссиқлик таъминоти билан таъминлаш ишларини давом эттирган.

«Бу билан Қозоғистон жанубий ҳудудининг тўлиқ узилишининг олди олинди. 500 киловатт кучланишли Шимол—Шарқ—Қозоғистон Жануби транзити бўйича қувват узатиш йўқлиги туфайли мажбурий чекловлар, тахминан, 1800 мегаваттни ташкил этди», — дейилади хабарда.

Шу билан бирга, «Ўзбекистон ва Қирғизистон энергетика тизимлари электр станциялари билан тўлиқ ўчди, истеъмолчилар электрдан узиб қўйилган». KEGOC маълумотларига кўра, Ўзбекистон энергетика тизимида ўчирилган қувват, тахминан, 9600 МВт (100 фоиз истеъмол)ни, Қирғизистонда — 2600 МВтга яқинни (100 фоиз истеъмолни) ташкил қилган.

Қайта тикланиш доирасида Қозоғистон энергетика тизими Ўзбекистон ва Қирғизистон энергетика тизимларига ушбу мамлакатлар электр станцияларига қувватни узатиш орқали ёрдам кўрсатган. Бу уларга қайта тикланиш тадбирларини бошлашда ёрдам берган, дея таъкидлаган компания.

KEGOC маълумотнома ўрнида қуйидагиларни келтирган: «Қозоғистоннинг ягона энергетика тизими тизимлараро электр узатиш линиялари орқали уланган ва ягона технологик режим билан бирлаштирилган МДҲ мамлакатлари ва бошқа мамлакатларнинг энергия уюшмасида параллел равишда ишлайди. Ҳар бир давлат учун бу жуда катта иқтисодий фойда келтиради. Параллел фаолият қўшни давлатларда ортиқча электр энергиясини сотиш ёки сотиб олиш имконини беради ва бу барча тизимларга иқтисодий наф келтиради».

«Чегарадош энергия тизимларининг параллел ишлаши тармоқ инфратузилмасини, ишлаб чиқариш захираларини қуриш ва уларга техник хизмат кўрсатиш харажатларини қисқартириш имконини беради, чунки параллел ишлайдиган энергия тизимлари уларнинг электр энергиясини узатиш, захира ишлаб чиқариш қувватларини қўшнилар ҳисобидан қисман қоплайди», — дея таъкидлайди компания.

Эслатиб ўтамиз, 25 январь куни KEGOC бошқаруви раиси ўринбосари Бакитхан Жазикбаев «Настояшее время»га берган интервьюсида Ўзбекистондаги Сирдарё ИЭСда авария юз бергани, буни оқибатида станциянинг 4 та энерогоблоки ишдан чиққанини айтган эди. Бу Қозоғистон энергетика тизимидаги кучланишнинг ошишига олиб келган.

26 январь куни Ўзбекистон Энергетика вазирлиги бошқармаси бошлиғи Абдумалик Назиров Сирдарё ИЭСда носозлик юз берганини тасдиқлаганди: «1600 мегаваттлик катта қувват йўқотилди (ИЭСнинг умумий қуввати 3200 МВт — таҳр.). Аварияга қарши ҳимоянингҳақида гапирган эди. У, шунингдек, минтақа энергия ҳалқаси қандай таркиб топгани ва инқироз яна такрорланиши мумкин ёки йўқлиги борасида ўз фикрларини билдирган.

Ўзбекистон Энергетика вазирлиги 28 январь куни бош вазир раислигидаги ҳукумат комиссияси юз берган ҳодиса сабабларини ўрганишда давом этаётганини хабар қилди. «Комиссия иши натижаларига кўра, маълумотлар расман эълон қилинади», — дейилади хабарда.