Кино саноати вакиллари орасида кимлар бир фильмда турли қаҳрамонлар ролини ижро қилишни уддасидан чиққани ҳақида маълумот бериб ўтамиз.
Райан Рейнольдс
«Тўққизлар» фильмида Райан Рейнольдс тақдирлари бир-бирига чирмашган уч қаҳрамон: актёр Гэри, сценарий муаллифи Гевин ва компьютер ўйинлари дизайнери Габриэль ролини ижро қилган. Таъкидлаш жоизки, фильмда Рейнольдсдан ташқари Мелисса Маккарти ва Хоул Дэвис ҳам учтадан қаҳрамонни гавдалантирган.
Софи Лорен «Кеча, бугун, эртага»
«Оскар» мукофоти билан тақдирланган фильмда Италиянинг турли бурчакларида содир бўладиган уч воқеа кўрсатилади. Унда Софи Лорен учта қаҳрамонни гавдалантириб, бир қанча киномукофотларни қўлга киритган.
Бен Стиллер «Ўтмишга саёҳат»
Бен Стиллер учун «Ўтмишга саёҳат»нинг учинчи қисми бирваракайига бир нечта қаҳрамонни гавдалантириш имконини берган биринчи фильм бўлган. Унинг айтишича, икки қаҳрамонни навбатма-навбат ижро қилиш жуда ҳам қизиқ, аммо энг қийин вазифалардан бири бўлган.
Бенедикт Камбербэтч «Доктор Стренж»
Фильмда қаҳрамон ролини гавдалантиришдан аввал комиксларни яхшилаб ўрганган. Қолаверса, у ҳам қаҳрамони Стренж сингари медитация билан шуғулланган. Мазкур фильмда ўз рақибини гавдалантириш ҳам актёрнинг ғояси бўлган. Дормаммунинг тасвири учун фильмда ўзига хос технологиядан фойдаланилган.
Майкл Китон «Тўплам»
«Тўплам» фильми иш ва оиласига етарлича вақт ажрата олмагани учун олимга ўзининг клонларини яратишни сўраб, илтимос қилган йигит ҳақида. Майкл Китон тўртта қаҳрамонни гавдалантирган: уларнинг бари феъл-атвори, ақл даражаси ва ўзини тутиши фарқли одамлар бўлади. Қаҳрамонларнинг бир-бирига ўхшаб қолмаслиги актёрнинг талаби бўлган.
Майкл Фассбендер «Бегона: Аҳд»
Майкл 2017 йил суратга олинган «Бегона: Аҳд» фильмида ташқи кўриниши ўхшаш, аммо ички олами фарқли қаҳрамонлар ролини ижро қилган. Актёрнинг ўзи Уолтерни эмоциясиз, мантиққа таянадиган, Дэвидни эса аксинча худбин ва жиззаки қилиб гавдалантирган.
Ванесса Хаженс «Маликанинг ўрнига: Янги ҳаёт»
2018 йилда Марк Твеннинг «Шаҳзода ва фақир» романи асосида суратга олинган «Маликанинг кундалиги: Янги ҳаёт» романтик комедия экран юзини кўрган. Унда бир-бирига жуда ҳам ўхшаш бўлган малика ва новвой қиз ўрин алмашади. 2020 йилда ушбу ҳикоянинг давоми чиққан бўлиб, унда актриса ўз зиммасига яна бир қаҳрамон — Фионанинг синглиси ролини ижро қилишни ҳам олган.
Сильвестр Сталлоне «Уддабурон болалар — 3»
«Болаларимга ‘Уддабурон болалар’нинг учинчи қисмида суратга тушишни таклиф қилишганини айтганимда уйимизда ҳақиқий байрам бошланди. Ва ниҳоят мен оталик ҳурматини қозондим», — деган Сталлоне. Актёрнинг фарзандлари отасининг бир вақтнинг ўзида тўртта шахсни ўйнаши кераклигини билганидан кейин боши кўкка етган бўлса, не ажаб.
Жейк Жилленхол «Тун қоронғисида»
Фильмда Жейк икки қаҳрамон: севгилиси билан муносабатлари ёмонлашган ёзувчи ва унинг китобидаги тўқима қаҳрамонни гавдалантирган. Актёр учун бу илк тажриба эмас. У «Жайдари» ва «Душман» сингари фильмларда ҳам иккитадан қаҳрамон ролини ижро қилган.
Эдди Мёрфи «Шоҳона ташриф — 2»
1988 йилда экран юзини кўрган «Шоҳона ташриф» номли фильмда Эдди Мёрфи ва Арсенио Холл икови 8 нафар қаҳрамонни гавдалантирган. Бундан аввал Мёрфи «Тентак профессор» ва бошқа бир нечта фильмда ҳам бирдан ортиқ қаҳрамонлар ролини ижро қилган. 2021 йил африкалик шаҳзода ҳақидаги ҳикоянинг давоми «Шоҳона ташриф — 2» тақдим қилинган. Актёр мазкур қисмда ҳам аввалги қаҳрамонлари ролини қайта ижро қилган.
Белла Хиткот «Қоронғи соялар»
Тима Бертоннинг «Қоронғи соялар» номли фильмида бирваракайига икки қаҳрамон: тарбиячи Виктория ва арвоҳ Жозетта ролини ижро қилган. Аммо актриса учун ҳаммасидан ҳам сув остида суратга тушиш қийинроқ бўлган. Бунинг учун у ҳатто профессионал спортчидан дарс ҳам олган.
Николас Кейж «Адаптация»
Аввалига Том Хэнкс учун мўлжалланган рол, кейинроқ Николас Кейжга таклиф қилинган. Образларни яратиш учун узоқ вақт пардоз қилишга ҳамда тўла кўрсатадиган махсус ғилофдан фойдаланишга тўғри келинган. Бир образдан иккинчисига ўтиш шунчалик қийин бўлганидан актёр ғазабдан ҳатто бақириб юборган вақтлар ҳам бўлган.
Юэн Макгрегор «Орол»
«Орол» фильмида Юэн архитектор Том Линколн ҳамда унинг клони Линкольн-Шесть-Экони гавдалантирган. Унинг бир образдан иккинчисига ўтиши жуда ҳам қизиқ бўлган, қаҳрамонларидан бирининг шунчалик ёқимсиз эканидан суратга олиш майдончасидаги Скарлетт Йоханссон уни ёқтирмай қолган, ҳатто.
Мавзуга доир:
- «Титаник», «Буюк Гетсби» ва бошқа машҳур фильмлар қаҳрамонлари урфга киритган бежирим заргарлик буюмлари (фото)
- Малика Аннадан тортиб Дон Карлеоне образигача. Голливуд кино тарихини ўзгартирган буюк актёрлар
- Ҳар қандай инсоннинг таом тайёрлашга бўлган иштиёқини оширувчи фильмлар (фото)
- Муҳаббат ўлимдан ҳам кучлироқ эканлиги акс этган таъсирли фильмлар (фото)