ФИФА мураббий Андрей Канчельскис ва «Навбаҳор» ўртасидаги ишни россиялик мураббий фойдасига ҳал қилди, деб хабар бермоқда «Матч ТВ».
Таъкидланишича, қабул қилинган даъволар фоизлар билан бирга 1,6 миллион доллардан ошган. «Навбаҳор» ушбу суммани 30 кун ичида тўлаб бериши керак бўлади.
Канчельскис «Навбаҳор» билан маошларини вақтида олмагани учун шартномани бекор қилганди. Шундан сўнг у шартнома бекор қилингани учун компенсация олиш учун ФИФАга ариза ёзгани ҳақида хабар берилганди.
«Навбаҳор» матбуот хизмати ҳолат юзасидан расмий баёнот берди. Қуйида ушбу баёнот тўлиқлигича тақдим этилади.
«Навбаҳор» ПФК ФИФАнинг Футболчилар мақоми бўйича қўмитаси томонидан 2021 йил 25 август кунги «Навбаҳор» клуби ва Андрей Канчельскис иши юзасидан қабул қилинган FPSD-256-сонли қарори бўйича қуйидагиларни билдиради:Эслатиб ўтамиз, «Навбаҳор» ва Канчельскис 2020 йилнинг октябрь ойида ҳамкорликни тўхтатган. Мураббий унгача ҳам жамоани 2018 йилнинг октябридан 2019 йилнинг августига бошқарган, бироқ ўша йилнинг ўзида яна ўз лавозимига қайтарилганди.П.С.: футбол жамоатчилиги, хусусан, мамлакатимиздаги спортга ихтисослашган нашрлардан бундай паллада шошилинч хулоса чиқармасликни, мазкур вазиятда ҳар икки томон манфаатларини назарда тутган ҳолда, расмий ҳужжатлар қонуний кучга киргандан кейин шунга кўра муносабат билдиришни сўраб қоламиз. Чунки ҳар қандай янглиш хулоса таъсирида қилинадиган турли (жумладан, провокацион характерга эга) чиқишлар (хабар, мақола, сўров) футбол жамоатчилигида нотўғри фикр шаклланишига олиб келиши мумкинлигини инобатга олиш даркор.
- ФИФАнинг Футболчилар мақоми бўйича қўмитаси томонидан 2021 йил 25 август кунги «Навбаҳор» клуби ва Андрей Канчельскис иши бўйича қабул қилган FPSD-256-сонли қарори ҳали қонуний кучга кирмаган.
- «Навбаҳор» ПФК ушбу қарор қайси асосларга кўра қабул қилингани бўйича хабардор қилинмагани сабабли, тегишли тартибда эътироз (шикоят) йўллайди.
- «Навбаҳор» ПФК ФИФА қабул қилган мазкур қарорнинг асословчи («мотивировочний») қисмини ҳали олмаган, қарорнинг нима сабабдан бундай кўриниш олганидан бехабар. Қачонки, мазкур қарор юзасидан асословчи сабаблар кўрсатилиб, жараёндан тўлиқ хабардор бўлганимиздан кейин ушбу қарорга эътироз билдирилади.
«Навбаҳор» баёноти
Мавзуга доир:
- Андрей Канчельскис «Навбаҳор» томонидан тўланиши керак бўлган компенсация ҳақида: «Улар ҳаммасини тинч йўл билан ҳал қилмоқчи»
- Андрей Канчельскис нима сабабдан «Навбаҳор»дан кетганини айтди
- «3-4 кунлаб маст ҳолда хонасидан чиқмаган ва клубни провокация қилиш учун атайин маошини вақтида олмаган». «Навбаҳор» Андрей Канчельскиснинг истеъфоси ҳақида
- «Навбаҳор», Беленков ва 520 минг доллар машмашаси ҳақида
Изоҳ (0)