Шотландияда Скай лақабли мушук Need for Speed: Underground ўйинини ўйнаган барчанинг орзусини амалга оширди, деб хабар беради Meduza. Мушук Лил Жон ва The East Side Boyz ижросидаги Get Low қўшиғи остида «ҳашаматли машина»да сайр қилган.
6,3 миллион мартадан ортиқ кўрилган видеода мушук робот-пилесос устида ўрнатилган картон қутига ўтириб олиб, айланиб юрибди. Унинг юз ифодасидан бу каби сайр унга ёқаётгани сезилиб турибди.
Шунингдек, Скайнинг замонавий кўзойнаги, Адидас олимпийкаси, «чиройли» рақамлари ҳамда 750 минг обуначига эга TikTok’даги саҳифасига ҳавас қилса арзийди.
Аввалроқ TikTok’да бир бокал ичимлик қаршисида ўйга толган ҳолда ўтирган Степан лақабли мушук машҳурликка эришган эди.