Ўзбекистонда 26 март куни 186 кишида коронавирус инфекцияси тасдиқланиб, инфекция қайд этилганларнинг умумий сони 82 146 кишига етди. Соғлиқни сақлаш вазирлиги маълумотига кўра, бу 2021 йилдаги янги антирекорддир. Аввалги антирекорд (144 киши) бир кун аввал — 25 март куни қайд этилган эди.
Янги касалланиш ҳолатларининг
- 1 нафари Андижон вилоятида,
- 7 нафари Бухоро вилоятида,
- 6 нафари Қашқадарё вилоятида,
- 4 нафари Наманган вилоятида,
- 1 нафари Самарқанд вилоятида,
- 2 нафари Сирдарё вилоятида,
- 1 нафари Фарғона вилоятида,
- 4 нафари Хоразм вилоятида,
- 17 нафари Тошкент вилоятида,
- 143 таси Тошкент шаҳрида
Шунингдек, 1 нафар коронавирусга чалинган бемор вафот этиб, касалликдан вафот этганлар сони 625 нафарга етди. Эслатиб ўтамиз, ССВ 10 февралдан бери биринчи марта Ўзбекистонда коронавирус оқибатида бемор вафот этгани ҳақида 23 март куни ахборот берганди.
ССВнинг қўшимча қилишича, ўтган бир сутка давомида Тошкент вилоятида 18 киши, Тошкент шаҳрида эса 94 киши, республика бўйича жами 112 киши COVID-19 касаллигидан соғайган (соғайганлар сони 80 360 киши). Соғайиш кўрсаткичи 98 фоизни ташкил этмоқда.
«Айни пайтда тиббиёт муассасаларида даволанаётган 1161 нафар бемордан 191 нафари оғир, 85 нафари эса ўта оғир аҳволда», — дейилади ССВ хабарида.
Аввалроқ Тошкентда 99 ёшли онахон коронавирусдан соғайиб чиққани маълум бўлган эди.
Изоҳ (0)