Apple пандемия шароитида ҳам смартфонларни Face ID ёрдамида блокдан чиқариш борасидаги муаммони ҳал этди, деб ёзади IXBT.
iOS 14.5 мобил платформанинг биринчи бета-версиясида кўплаб iPhone фойдаланувчиларининг мушкулини осон қиладиган функция пайдо бўлган. Apple компанияси ниҳоят ниқоб таққан фойдаланувчи Face ID ёрдамида смартфонни блокдан чиқара олмаётганига боғлиқ муаммога ечим топган.
Apple бу борадаги илк қадамларни ўтган йилдан амалга оширган эди — iOS 13.5 да ниқоб таққан фойдаланувчи Face ID бор қурилмаларда код-паролни киритиш майдони соддалаштирилган.
iOS 14.5 да эса паролни қўлга киритишга умуман ҳожат қолмаган. Янгилик iPhone’га «ақлли» Apple Watch соатларининг уланиши орқали ишлайди. Созламалардаги «Face ID ва код-парол» бўлимида «Apple Watch ёрдамида блокдан чиқариш» банди пайдо бўлган.
Смартфон Apple Watch ёрдамида блокдан чиқарилиши учун, соатлар фойдаланувчининг билагида бўлиши керак («Билакни таниш» функцияси фаоллаштирилиши лозим).
#iOS14.5 beta 1, iPhone unlock process with #AppleWatch wearing a facemask
— Luca Ansevini (@Anse1987) February 1, 2021
Easy and super smooth! pic.twitter.com/ADkE0dVS0I
Бунинг ўзига яраша камчиликлар ҳам бор — фойдаланувчи қўлидаги соатлар блокдан чиқарилган бўлса, унинг ёнида бўлган ниқобдаги исталган одам iPhone’ни блокдан чиқариши мумкин. Бироқ соатлар iPhone блокдан чиқарилганида вибрация орқали огоҳлантириш беради ва «iPhone’ни блоклаш» катта тугмасини босишни таклиф этади.