Тональ крем макияжда муҳим роль ўйнайди. Унинг сифатлиси ва тери рангига моси юзни тиниқ ва жозибали кўрсатса, нотўғри танлангани аксинча тиниқ юзни ҳам чаплангандек ёки ниқоб таққандек кўринишига сабабчи бўлади.
Double Wear SPF10, Estee Lauder
Дунёда ҳар дақиқада 8 флакон сотиладиган Estee Lauder тональ креми 1997 йилда илк бор ишлаб чиқарилган. У вақтда бошқа тональ кремлар юзда ниқоб сингари турган ва битта асосдек кўринмаган. Орадан деярли 20 йил ўтиб эса марка ҳар бир аёл ўзига мосини танлаб олиши учун Double Wear’нинг 35 турдагисини тақдим қилди.
Lasting Performance, Max Factor
Фото: Cosmopolitan1914 йилда польшалик визажист Макс Фактор томонидан тарихда илк бор тональ крем ишлаб чиқарилган. Маҳсулот соатлаб гримда юриш терисига зарар келтирган актёр ва актрисалар учун ўйлаб топилган эди. Биринчи компакт пудра Pan-Cake Make Up ҳам айнан шу визажист томонидан тақдим қилинган. Чарли Чаплин тональ кремни ишлатиб унга ижобий баҳо берган ва уни кетидан бошқа юлдузлар ҳам эргашган, аммо оддий халқ бундай восита актрисалар ва енгил табиатли қизлар учун деб ўйлаб харид қилишга ошиқмаган. Бугунги кунда Max Factor энг машҳур тональ кремлардан ҳисобланади. Бренд бесстеллери Lasting Perfomance иссиқ ёки намли ҳаво бўлишидан қатъи назар терида 8 соат туради.
BB Creme Nude, Erborian
Фото: CosmopolitanФранцуз-корейс косметик воситаси технолог Хожунг Ли ва маркетолог Каталин Берени томонидан ишлаб чиқарила бошланган. Илк бор французлар томонидан аъло баҳо берилган мазкур тональ крем бугунги кунда ҳам аёл ва қизлар томонидан севиб ишлатилади. Унга юздаги ҳуснбузарларни консиллерсиз ҳам ёпиш хусусиятига эга, кундалик ишлатиш учун энг яхши вариант деган таърифлар берилади.
Leg and Body Makeup, Dermablend
Реклама ролигида Рик Женест иштирок қилганидан кейин тональ кремга бўлган қизиқиш оша бошлаган. Роликда 80 фоиз татуировка туширилган Рик танасига тональ крем суртилади ва қоплангани кўрсатилади. Ролик YouTube’да қисқа муддат ичида 11 миллион марта кўрилган. Бренд томонидан тақдим қилинган тональ кремлар орасида терисида яққол муаммо бор бўлганлар учун чандиқ ва куйишларни ҳам ёпадиган вариантлар бор.
Face and Body, M.A.C
Фото: CosmopolitanFace and Body тональ кремдан кўра зардобни эсга соладиган илк косметик восита саналади. Таркибида 70 фоиз сув бўлишига қарамай, юзни яхши қоплайди. Унинг бир икки томчиси бутун юзга етади. Face and Body исталган ҳавода ҳам сифатини йўқотмайди. Унинг бир флаконини йил давомида ишлаца бўлади.