Nokia компанияси Nokia 3.4 смартфонини тақдим этишга тайёрланмоқда — модель бошланғич даражадан сал баландроқ. Аввалроқ интернетда янги моделнинг рендери пайдо бўлганди, ҳозир унинг нархи ҳам маълум бўлди: Буюк Британиядаги интернет-дўконларининг бирида Nokia 3.4 170 доллар эвазига буюртма қилиш мумкин, деб хабар беради IXBT.
Бу кам ёки кўплигини фойдаланувчининг ўзи ҳал қилади, бироқ таъкидлаш керакки, Буюк Британияда солиқларнинг ўзига хослиги сабаб нархлар бошқа мамлакатлардан бироз юқори юради. Шунингдек, нарх фунтнинг евро ёки долларга нисбатан юқорилиги сабаб ҳам кўтарилади.
Янги моделнинг техник тавсифи маълум: Nokia 3.4’га бир кристалли Snapdragon 460 процессори, 3 гигабайт тезкор, 32/64 гигабайт ички хотира ўрнатилади. Экран диагонали 6,52 дюймга тенг, пикселлар сони — 1600х720. Асосий камерадан 13, 5 ва 2 мегапикселли датчиклар ўрин олган, фронтал камера эса 8 мегапикселлни ташкил этади. Аккумлятор сиғими 4000 мА/соат бўлиб, қурилма уч хил рангда сотувга чиққан: бинафшаранг, кул ранг ва ҳаворанг.
Эслатиб ўтамиз, март ойида Nokia ўзининг янгиланган 5310 телефонини 51 доллар нархида тақдим этганди.